海洋公園哈佬喂2013 - 日間篇

前兩日收到南瓜貓的背帶裙, 急不及待就決定去海洋公園哈佬喂著。

 

話說好多年都無去過哈佬喂了。今次朋友公司包場, 就決定去啦~~~~

 

雖然一點就可以入場, 但係我地四點先到...

 

點都要黎張到此一遊相

 

Total 有六間鬼屋, 三間驚嚇, 三間小兒科, 其中兩間可以影相, 包括"古靈精怪魔法屋"同南瓜怪傑工作室"。

另外仲有一個重要任務, 就係同所有扮鬼的工作人員合照。(到了晚上, 我拿的相機竟然忘了帶閃光燈!!!! 之後唯有靠朋友幫我影了。)

第一個玩的就是"羅蘭靈異古董店"。本人覺得呢個已經係最驚嚇的鬼屋... 但都嚇唔到我。(唔通係我老左所以冇以前咁細膽?! 定係哈佬喂真係渣左?!)

 

羅蘭靈異古董店門口

然後去一下香港老大街, 之前開左咁耐都未去過。不過原來只係攤位遊戲同食東西的地方。

 

再上去玩古靈精怪魔法屋, 因為可以影相, 所以留左好耐, 入面仲要冇咩人, 超正, 包場的好處。

 

 



 

 

落番去參觀南瓜怪傑工作室, 又因為可以影相玩了好耐。

 



南瓜怪傑工作室內

之後準備上山時才發現忘了去睇魚, 立即番去海洋奇觀。呢個新的水族館, 上次已經miss 左, 今次終於睇番, 好大好靚。假如我住南區, 一定買年票日日黎行下。



 

行完出黎, 天都黑晒, 搭纜車上山去~~~ 待續

 

在香港老大街的電車上與Cony 合照

古靈精怪魔法屋內

南極其觀的佈景板

 

HK Lolita - 九月聚 - 中日同萌

中式LOLI + WA-LOLI 的主題活動。
去了觀塘某工業大廈的場地COMMA PARTY。
日式背景與主題很夾。
ORDER壽司也很不錯, 是多了一點點。
共12位LOLITA參加, 我覺得呢個人數很好, 傾計很方便。
多謝WING SZE的SET頭教學和人體奥妙講座~~

是日衣著:
EDEN THE WOLF 春舞 SET (墨綠)

P.S. 感謝鼠狼供應的金魚燈籠~~

A lolita party organized by "HK Lolita" with a theme of "Chin- and Wa-Loli".
We rent a party room called "Comma Party" located at Kwun Tong.
The decoration of the room match our theme very much.
Having a total of 12 lolita girls, we chatted, we played, we laughed together.
Sharing a joyful afternoon.

Today coordinate:
Eden the Wolf Spring Dance Set (Dark Green)

生日Lolita

生日正日，本想去海洋公園…最後冇去。本想去食Tiffin Lounge, 最後遲了出門，趕不上。最後平平淡淡地在荃灣渡過。

穿上喜歡的Lolita, 瘋狂地拍照，也很開心。

是日衣著： 

~Angelic Pretty Secret Princess OP;

~Baby the Stars Shine Bright headdress;

~Antaina pink shoes 

二零一三年的生日 (前奏)

9月8日- 跟朋友一起去元朗踩單車。 還收到兔兔做生日禮物。(另加一支積木筆。)

終點南生圍, 不過因為時間關係冇入到最入。在中途的湖邊餐廳HEA了很久, 食豆腐花, 燒賣同菊花茶, 仲有朋友澳洲手信朱古力。(大滿足~~~)

晚餐食了元朗德國佬。我覺得唔係特別好食, 豬手好乾, 薯仔沙律冇味, 腸仔拼盤OK, 鵝肝意大利飯OK。以呢個質素呢個價錢, 會有更好選擇。應該不會再去下一次。多謝朋友們請我這餐。



連埋聖誕節收到的MOON 同自己係日本買的BROWN, 已經有三隻了~~~~

湖邊餐廳風景

我與古古的尿尿戰鬥史 (1)

古古剛來新家時, 也不懂得用沙盤, 在貓床上尿了兩次。

渣渣很聰明, 很快就了解新沙盤的位置並開始使用。

古古見到渣渣用沙盤, 也知道應該在哪尿尿, 一切也很美好。

可怕的事終於發生。

2013年1月20日, 第一次在門口發現一督尿, 當時不知是誰做的, 清潔完, 話了貓咪們幾句 (雖然根本沒有用), 就當沒事發生一樣。

這次的清潔, 我只用了清水。之後才發現, 這是錯誤的開始。

三日後, 2013年1月23日, 再次於同一位置發現尿尿, 仍然不知道是誰做的。今次也只是用水。

2013年1月25日, 終於被我當場捉到, 尿尿的兇手是古古。

把他罵了一頓, 明知他根本不會聴很懂, 可是真的很生氣。自此以後, 戰鬥開始了。

2013年1月26日, 原來在門口的另一處也有尿, 而且已經乾了, 發出很濃的臭味, 只是我一直發現不到。這時我想, 這應該就是引誘古古在門附近痾尿的原因。今次用消毒藥水清洗。應該所有味都清了。

接著的連續三日, 古古仍然想在門口痾尿, 我見到佢想行去門口, 就會把他趕走。

古古無可奈何, 只好用沙盤。雖然也有一兩次失手, 門口被尿尿攻陷了。

古古應該是習慣在門尿尿了... 這個行為一定要糾正。

我也想過, 是不是古古不喜歡沙盤的形狀呢, 所以, 2013年1月27日, 我走去買了一個新的沙盤。原本那個是圓扁形的, 新的是長方形, 高身的。

果然, 古古很自然的走到新盤尿尿。當我們以為一切都決解了, 2013年2月1日的早晨, 再次在門口發現尿尿。

 戰鬥再次展開, 每次見到古古走向門口, 我便會把他抱走, 放在沙盤上。

2013年1月28日, 古古發現不能再在門口尿尿, 竟然轉了陣地, 入厠所痾。

如果佢咁醒, 識得係人用的厠所痾就好, 可惜, 佢只係係厠所地板上。

2013年1月29日, 路過寵物用品店, 入去買了支專門除動物尿味的清潔劑也買了用的散步胸帶。

要讓古古知道, 在門口痾尿是會被罰的。

回家後, 大清洗了厠所同門口。古古真的主動在沙盤痾尿。

如是者過了幸福的兩日。

 2013年2月2日, 古古再次在門口痾尿, 被我當場捉住。

二話不話, 把他綁起來。他應該是知道自己犯錯, 一臉不爽地坐著不動。

我也在門口放了一杯水, 因為貓是不會在飲食的地方大水便的。

古古的確沒有在門口尿尿, 可是, 2013年2月3日早晨, 再次在厠所發現尿尿。

貓的性格 - 古古篇

上次講過渣渣的性格, 今次講下細佬古古的。經過兩個多月的觀察, 古古的性格是: 任性, 黏人, 好動 點解話佢任性呢? 古古只要想到自己想做的事就會去做, 不管你跟他說什麼, 說了多少次。例如入廚房同廁所。平時廚房門同廁所門都要關上的, 只要一忘記關上, 古古就好似開心大發現咁衝入去八卦。 古古又超級不喜歡別人碰他的手手, 每次幫他剪指甲也花我很多功夫。 但古古有很令人疼愛的一面, 就是黏人, 每次我坐在電腦枱前, 佢都會跳上我的大脾, 阻住我玩電腦... 坐坐下仲要訓著埋, 訓一訓就一小時... 腳都軟埋。(但我好ENJOY) [(love struck)] 古古比渣渣好動很多, 咩玩具都岩玩, 毛毛球啦, 毛毛條啦, 紙巾啦, 羽毛啦, 公仔啦, 連我的手也是他的玩具...... 不過最喜歡的應該是毛毛球。 同貓貓玩其實真係有好多方法, 搵岩一套, 主人唔洗點郁佢地都會玩得好開心。最喜歡用手同佢玩HIDE AND SEEK, 找個咕褥 (大脾也可以), 將隻手伸出伸入, 佢地就會撲埋黎, 捉下佢隻手仔, 又可增進感情~

貓的性格 - 渣渣篇

貓就好像人一樣, 每隻的性格也大不相同. 做主人的一定要細心留意, 才能找到更好的相處之道. 渣渣是一胎四隻中的老三, 相處了一個多月, 發覺他很有英短貓的特性, 而且十分靚仔. 渣渣性格是: 貼心, 聰明, 獨立 喜歡的玩具是: 紙巾, A4紙做的波波, 羽毛 每朝起床, 渣渣都會在樓梯下等我, 磨一磨我的腳, 好似在跟我說早晨一樣。 [(love struck)] 放工回家, 渣渣也會坐在門口等我, 也是磨一磨我的腳, 在跟我說歡迎你回家。 渣渣很快就了解自己的名字, 每次叫他也會望你。但你不要指望他會走過來。(嗯 ... 貓真的很COOL) 渣渣也很喜歡打開衣櫃門, 躲進衣櫃。 平時渣渣喜歡一隻貓玩, 或者同古古玩捉迷藏, 很少和我玩的。但他很喜歡白色的紙巾, 每次見到都想我同他玩拋紙巾玩。當然, 你也不要指望他會像狗一樣TAKE AND GIVE。 渣渣不喜歡人抱, 但他有興致的時候, 還是會走來跟你要摸摸的。 最令我高興的是渣渣會跟我親親 (雖然, 網上有文章說, 貓親親這個動作對於他們來說只是打招呼的一種, 但都夠我滿心歡喜了。)